Рахат Ачылованын сөөгү Байтик айылында жерге берилди

© Фото / Сейитбек ИдирисовРахат Ачылова
Рахат Ачылова - Sputnik Кыргызстан
Жазылуу
Белгилүү илимпоз Рахат Ачылова менен коштошуу зыйнаты Кыргыз академиялык драма театрында өттү.

БИШКЕК, 7-мар. — Sputnik. Философия илимдеринин доктору, профессор Рахат Ачылова менен коштошуу зыйнатына биринчи вице-премьер-министр Тайырбек Сарпашев баш болгон өкмөт мүчөлөрү, Жогорку Кеңештин депутаттары жана маркумдун кесиптештери жана санаалаштары келди.

Баткен облусунун мурдагы губернатору Мамат Айбалаев Ачылованы 10 жашынан бери тааный турганын, анын кыргыз илимине кошкон салымын баса белгилеп айтты.

Философия илимдеринин доктору Рахат Ачылова дүйнөдөн өттү
Ачылованын сөөгү Байтик тоосундагы көрүстөнгө коюулду. Ал 5-март күнү каза болгон.

Рахат Ачылова 1941-жылы Баткен облусунда туулган. 1963-жылы Кыргыз мамлекеттик университетинин тарых факультетин бүтүргөн. 1966-жылы Ленинград мамлекеттик университетинин философия факультетинин аспирантурасын аяктаган.

Көп жылдар бою Кыргыз Мамлекеттик кыз-келиндер институтутун ректору, Кыргыз Мамлекеттик педагогикалык университетинин профессору, Айыл чарба институтунун кафедра башчысы болуп иштеген.

Ачылова илимий эмгектерин негизинен үй-бүлөлөрдүн өсүп-өнүгүүсү, Кыргызстандагы аялдардын коомдогу ролу, маданиятын, изилдөөгө арнаган. 

Анын 150дөн ашык илимий эмгектери жарыяланган. Анын ичинен үч монографиясы да жарык көргөн. Эки докторлук жана 11 кандидаттык диссертациянын жетекчиси болгон.

"Ардак белгиси" ордени жана бир нече медалдар менен сыйланган.

Жаңылыктар түрмөгү
0