БИШКЕК, 6-фев — Sputnik. Коомдук биринчи каналдын Байкоочу кеңеши Султан Жумагуловдун башкы директорлуктан өз ыктыяры менен кетүү тууралуу жума күнү жазган арызын кароо үчүн кезексиз жыйынга чогулду.
Байкоочу кеңештин мүчөсү Игорь Шестаковдун биздин кабарчыга билдиргендей, учурда Байкоочу кеңеш башкы директордун милдетин ким аткарарын карап жатышат.
"Жаңы башкы директорду тандоо конкурстук негизде тандалат", — деди ал.
Султан Жумагулов эмне себептен кызматтан кеткени азырынча белгисиз. Ал бул кызматка 2014-жылдын ноябрь айында келген.
