12:07 04 Бештин айы 2016
Түз эфир
Благотворительное мероприятие для детей-инвалидов

Бишкек шаарында майып балдарга арналган кайрымдуулук концерти өттү

© Sputnik / Табылды Кадырбеков
Коом
Кыскача шилтеме алуу
62 0 0

Мэрия ден-соолугунун мүмкүнчүлүктөрү чектелген 600 балага "Сейтек" Республикалык балдар жана жаштар борборунда концерт коюп беришти.

БИШКЕК, 3-дек — Sputnik. "Сейтек" Республикалык балдар жана жаштар борборунда ден-соолугунун мүмкүнчүлүктөрү чектелген 600 балага арналган майрамдык иш-чара өткөрүлдү. Иш-чара Майыптардын эл аралык күнүнө арналган, деп кабарлады баш калаанын мэриясынын басма сөз кызматы. 

Кайрымдуулук иш-чарасына Бишкек шаарынын вице-мэри Марс Саккараев жана Бишкек шаардык кеңешинин төрагасынын орун басары Любовь Ардамина катышты.

Өз сөзүндө Марс Саккараев бул өзгөчө балдар кыйынчылыктарга карабастан турмушта ийгиликтерге жетише ала тургандыктарын белгиледи. 

"Ар кыл олуттуу тоскоолдуктарга карабастан, силер коомго жана өзүңөргө да тоскоолдуктарга майышпай турганыңарды далилдей алдыңар. Бүгүн – силердин майрамыңар! Жашоосун жаңы барактан баштаган күчтүү адамдардын күнү. Тирүүлүктүн баркын билген, түшүнгөн адамдардын күнү", — деди вице-мэр.

Ден-соолугунун мүмкүнчүлүктөрү чектелген адамдардын (ДМЧА) арасында өткөрүлгөн өздүк көркөм чыгармачылык фестивалынын, кол өнөрчүлүк искусствосу сынагынын, ошондой эле спартакиаданын жеңүүчүлөрүнө баалуу белектер, дипломдор жана грамоталар тапшырылды. Бул сынактарга майыптардын 36 коомдук уюмунан 3 миң адам катышты. 

  • Вице-мэр Марс Саккараев поздравил детей с наступающим праздником.
    Вице-мэр Марс Саккараев балдарды майрамы менен куттуктады
    © Sputnik / Табылды Кадырбеков
  • Подарки для детей к Международному дню инвалидов.
    Майыптардын эл аралык күнүндө берилген белектер
    © Sputnik / Табылды Кадырбеков
  • Вручение грамот победителям спартакиады среди ЛОВЗ.
    Майып балдардын арасындагы спартакиаданын жеңүүчүлөрүнө грамота тапшырылды
    © Sputnik / Табылды Кадырбеков
  • Здание Республиканского центра детства и юношества «Сейтек».
    "Сейтек" Республикалык балдар жана жаштар борбору
    © Sputnik / Табылды Кадырбеков
1 / 4
© Sputnik / Табылды Кадырбеков
Вице-мэр Марс Саккараев балдарды майрамы менен куттуктады

Мындан тышкары, жардамдашуучу мектептердин, коомдук уюмдардын жана борборлордун атынан иш-чарага катышкан бардык балдарга таттуулар берилди. 

Азыркы тапта шаардык социалдык өнүгүү тутумунда 13,8 миңден ашык ДМЧА каттоодо турат. Алардын 80и – Улуу Ата Мекендик согуштун майыптары, 206сы — Чернобыль кырсыгынын кесепеттерин жоюуга катышкандар, 5 миң 734ү – жалпы оорулардан улам майыптыкка кабылгандар (I, II, III топтор), 2 миң 954ү – көрүү жана угуу органдары кемчил майыптар, 4 миң 884ү – бала чагында эле майыптыкка кабылган 18 жашка чейинки жана андан улуу адамдар.

Белгилер:
Чернобыль кырсыгы, Улуу Ата Мекендик согуш, Марс Саккараев, Бишкек

ЭҢ МААНИЛҮҮ