15:41 09 Бештин айы 2016
Түз эфир
Памирские кыргызы

Памирдеги кыргыздар балдарын Кыргызстандан окутууга кызыктар

© Фото / пресс-служба минсоцразвития
Коом
Кыскача шилтеме алуу
65 0 0

Памирдеги этникалык кыргыздардын турмушунан тез-тез кабар алып, аларга материалдык жактан жардам берүү керек.

БИШКЕК, 28-ноя — Sputnik. Депутат Мирлан Бакиров Улуу Памирдеги жана Кичи Памирдеги этникалык кыргыздар балдарын Кыргызстандан окутууга көмөктөшүүнү суранып жатканын Жогорку Кеңештин бейшембидеги жыйынында айтты. Бул туурасында парламенттин басма сөз кызматы маалымдады.

Эл өкүлү Жаштар, эмгек жана миграция министри Алиясбек Алымкулов менен экспедицияга барып, Памирдеги этникалык кыргыздардын ал-абалы менен таанышып келген. 

Депутаттын маалыматы боюнча, өкмөт тарабынан 3 миллион сомдук тамак-аш, керектүү буюмдар жана бейөкмөт уюмдар тарабынан кийим-кече жеткирилген. 

Мирлан Бакиров ал жактагы кыргыздар балдарын Кыргызстанга алып келип, интернаттарга жайгаштырып, билим алуусуна шарт түзүп берүүнү суранганын айтты.

"Бул жаатта парламенттин тармактык комитетине протоколдук тапшырма берүү керек", — деди депутат.

Депутат ошондой эле, эгер кыргыз тарап памирликтерге мугалим, медицина кызматкерлерин жиберсе, аларга айлык катары 400 доллардан төлөп берүүгө Ооган мамлекетинин мүмкүнчүлүгү бар экенин да кошумчалады.

Белгилер:
Памир, Мирлан Бакиров

ЭҢ МААНИЛҮҮ