07:57 04 Бештин айы 2016
Түз эфир
Продажа оружия в России

Курал саткан дүкөн окуучулардын коопсуздугуна коркунуч жаратууда

© Sputnik / Алексей Мальгавко
Коом
Кыскача шилтеме алуу
16 0 0

Бишкек шаарындагы №64 мектеп-гимназиянын имаратында жайгашкан дүкөн ордун бошотпосо Октябрь райондук сотуна берилет.

БИШКЕК, 27-ноя — Sputnik. Бишкек шаардык муниципалдык менчик башкармалыгынын өкүлдөрү №64 мектеп-гимназиянын имаратында жайгашкан курал-жарак саткан "Эдельвейс" дүкөнүнө эскертүү берип, шаршембиде акт түзүштү. Бул тууралуу Бишкек мэриясынын басма сөз кызматы билдирди.

Аталган мектеп-гимназиянын директору Фаима Чажалиева дүкөндүн алдына автоунаа көп келгендиктен балдардын коопсуздугуна бир топ эле коркунуч жаралып жатканын айтат. 

"Унаалар мектептин алдына келип токтошот. Күн сайын балдар унаанын алдында калып калат деген коркунуч менен жашайбыз. Андан тышкары, дүкөндө кандай куралдар сатылып жатканы белгисиз. Мектепте 1800 окуучу билим алып, 150 мугалим эмгектенет, анын жарылуусуна же өрт чыгып кетишине аталган дүкөн себепчи болушу мүмкүн", — дейт ал.

Бишкек мэриясы билдиргендей, шаар мэри Кубанычбек Кулматов аталган дүкөндү тез арада жабууга буйрук берген.

26-ноябрда укук коргоо органдарынын кызматкерлери дүкөндүн жетекчиси менен жеринде жолугушуу үчүн келишкен. Бирок, анын ээси ордунда жок болуп чыккан. Курал саткан дүкөнгө пломба салынып, акт түзүлдү. Аталган дүкөн ордун бошотпосо, маселе Октябрь райондук сотунда каралмакчы.

Өз кезегинде "Эдельвейс" ЖЧКсы Муниципиалдык менчик башкармалыгы менен келишимди узартуу тууралуу сотко доо арыз менен кайрылган.

Муниципиалдык менчик башкармалыгы менен "Эдельвейс" курал саткан дүкөнүнүн ижара келишими 2014-жылдын 1-майында эле бүткөн.

Белгилер:
64 мектеп, Эдельвейс, Фаима Чажалиева, Кубанычбек Кулматов, Курал

ЭҢ МААНИЛҮҮ