Кара-Балтадагы "Жунда" заводуна Казакстандан 100 миң тонна нефти келет

Жазылуу
Алмазбек Атамбаевдин Казакстанга болгон иш-сапарынын жыйынтыгында өлкөгө мунайзаты менен күйүүчү май келе турган болду.

БИШКЕК, 11-ноя – Спутник Кыргызстан. Кыргызстан менен Казакстан Кара-Балта шаарындагы "Жунда" мунайзатты кайта иштетүүчү заводуна 100 миң тонна чийки мунайзатын жеткирүү боюнча сүйлөшүүгө жетишти. Бул тууралуу КРдин Тышкы иштер министри Эрлан Абдылдаев президент Алмазбек Атамбаевдин Казакстанга болгон иш сапарынын жыйынтыгы боюнча уюштурулган маалымат жыйында билдирди.

Министр ошондой эле, 8 айдан бери кыргыз-казак чек арасындагы Луговой станциясында кармалып турган 471 вагон күйүүчү майды кое берүү тууралуу да чечим кабыл алынганын кошумчалады.

Белгилей кетсек, апрель айынан бери кыргыз-казак чек арасында Россиядан Кыргызстанга келе жаткан күйүүчү май документтери туура толтурулган эмес деген негиз менен кармалып турган. Кыргыз өкмөтү аталган күйүүчү майды алып келүү боюнча бир топ аракеттерди көргөн, бирок андан майнап чыккан эмес.

Андан сырткары, Казакстандан кийинки жылы 1,4 миллиард киловатт саат энергия  алуу боюнча да сүйлөшүүгө жетишилген.

Жаңылыктар түрмөгү
0