06:01 09 Бештин айы 2016
Түз эфир
Райкан Алканов, Алканов и компания ишканасынын жетекчиси

Ишкер Алкановдун абалы оор бойдон калууда

© Фото / Эркин Кыштообаев
Коом
Кыскача шилтеме алуу
7 0 0

Таласта бычак жеген ишкер Райкан Алкановдун абалы оор бойдон калууда. Бул тууралуу биздин кабарчыга саламаттыкты сактоо министрлигинин басма сөз кызматынан кабарлашты.

 

БИШКЕК, 27-окт — Спутник Кыргызстан. Маалыматка ылайык, ишкер учурда Талас облустук ооруканасынын реанимация бөлүмүндө жатат. Анын абалы оор, бирок туруктуу. Ишкерди борбордогу ооруканага которуу азырынча мүмкүн эмес.

"Кол салуудан Райкан Алкановдун ашказаны, көк боору жана боору жабыркаган. Ага операция жасалып, абалы оор бойдон калууда. Ишкердин денесине 18 жолу бычак урулган", — деп билдирди Саламаттыкты сактоо министрлигинен.

Укук коргоо органдары учурда соттук-медициналык экспертизалар дайындалып, кылмыш иш козгоо маселеси каралып жаткандыгын билдирди.  ИИМдин басма сөз кызматынын жетекчиси Жоробай Абдраимовдун айтымында, кол салууга шектүү делгендер табылды.

79 жаштагы Райкан Алкановго 25-октябрдан 26-октябрга караган түнү Таластагы өз үйүндө кол салуу болгон. Ал өлкөдөгү белгилүү ишкерлердин бири, тутумуна ири базар жана бир нече ишкана кирген "Алканов жана компания" ишканасын жетектейт.

 

 

ЭҢ МААНИЛҮҮ