Кыргызстандын партиялары: "Замандаш"

Жазылуу
2007-жылы уюштуруучу съезди өтүп, "Замандаш" партиясы түзүлгөнү жөнүндө жарыя кылынган. Анын идеялык дем берүүчүсү жана негиздөөчүсү Мухтарбек Өмүракунов болгон.

Саясий бирикменин сайтында айтылгандай, партиянын жаралышы Россия менен Казакстанда кыргыз диаспораларынын "Замандаш" ассоциациясынын иш-аракеттеринен келип чыккан логикалык жыйынтык болгон. 2003-жылы түзүлгөн бул ассоциация Кыргызстандан барган эмгек мигранттарынын укуктук, социалдык жана экономикалык маселелерин чечүүнү максат кылган деп айтылат саясий бирикменин сайтында.

2010-жылы түзүмдүк өзгөртүүлөрдөн кийин партия кайра каттоодон өтүп "Замандаш" деген жаңы аталышка ээ болгон.

Партиянын учурдагы теңтөрагасы Сапарбек Асанов жана дагы бир теңтөрайымы Чынара Шейшекеева. Партиянын катарында юристтер, ишкерлер, журналисттер, мугалимдер жана спорт чеберлери кирет.

Партия Кыргызстандын ар кайсы аймактарында колдоого жетишкендиги жөнүндө анын сайтында белгиленет. 2014-жылдын декабрында партиянын VIII съезди жаңы программа кабыл алып, ал өзүнүн идеологиясын, аталышын өзгөртүп, жаңы уставы пайда болгон. 

"Замандаштын" стратегиялык максаты — улуттун кайра жаралуу программасын ишке киргизүү жана мамлекет катары, коом катары, дүйнөнүн бир бөлүгү катары улуттук жолун тандоо.

Жаңылыктар түрмөгү
0