БИШКЕК, 8-ноя. — Sputnik. Өкмөттүн негизги курамы дээрлик өзгөрүлгөн жок. Премьер-министрдин милдетин аткаруучу Сооронбай Жээнбеков жаңы өкмөттүн курамын ЖКдагы Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитетине тааныштырды.
Ага ылайык жаңы өкмөттүн курамы төмөндөгүдөй:
- Биринчи вице-премьер — Мухамметкалый Абулгазиев.
- Вице-премьерлер — Олег Панкратов менен Жеңиш Разаков.
- Социалдык маселелер боюнча вице-премьерликке "Кыргызстан" фракциясынын депутаты Чолпон Султанбекова көрсөтүлдү.
Министерлер:
- Экономики министри — Арзыбек Кожошев;
- Финансы министри – Адылбек Касымалиев;
- Айыл чарба, тамак-аш өнөр жайы жана мелиорация министри — Нурбек Мурашев (мурдагы депутат, V чакырылышта "Республика" фракциясынан депутат болгон);
- Транспорт, коммуникация жана жолдор министри — Жамшитбек Калилов ("Кыргыздортранспроект" долбоорлоо институтутунун башкы директору);
- Юстиция министри — Уран Ахметов;
- Тышкы иштер министри — Эрлан Абдылдаев;
- Ички иштер министри — Улан Исраилов (УКМКнын коррупцияга каршы күрөшүү агенттигинин директору;
- Өзгөчө кырдаалдар министри — Кубатбек Боронов;
- Маданият, маалымат жана туризм министри — Түгөлбай Казаков;
- Саламаттык сактоо министри — Талантбек Батыралиев;
- Эмгек жана социалдык өнүгүү министри — Таалайкүл Исакунова;
- Билим берүү жана илим министри — Гүлмира Кудайбердиева;
- Өнөр-жай, энергетика жана жер казынасын пайдалануу мамлекеттик комитети —Дүйшөнбек Зилалиев;
- Маалымат технологиялары жана байланыш мамлекеттик комитетинин төрагасы — Бакыт Шаршембиев.
Ошентип социалдык маселелер боюнча вице-премьер, ички иштер министри, айыл, суу чарба министри, юстиция министри, транспорт министри, билим берүү жана илим министри, социалдык өнүгүү министри өкмөттүн курамына жаңы мүчө катары сунушталды.
Эске салсак, парламенттеги көпчүлүк коалиция тарагандыктан өкмөт отставкага кеткен. Президент көпчүлүк коалицияны түзүү укугун КСДП фракциясына берген. Жаңы коалициянын катарына КСДП, "Кыргызстан" жана "Бир Бол" фракциялары кирген.
УКМК менен Коргоо комитетинин башчыларын президент дайындайт.
