10:22 05 Бештин айы 2016
Түз эфир
Конституция. Архивдик сүрөт

Баш мыйзамдын түп нускасынын бар-жогу боюнча ЖКда чыр чыкты

© Пресс-служба президента КР / Султан Досалиев
Саясат
Кыскача шилтеме алуу
24110

Аталган маселени КСДПчы депутат Данияр Аттокуров көтөрүп, өкмөт өкүлдөрү түп нускасы жок экенини айтышты.

БИШКЕК, 19-окт. — Sputnik. Баш мыйзамдын түп нускасынын бар-жогу боюнча парламентте чыр чыкты. 

Буга чейин укук коргоочу Токтайым Үмөталиева бир канча ирет 2010-жылы кабыл алынган баш мыйзамдын түп нускасы өзгөрүп кеткенин айтып чыккан. Бүгүнкү отурумда КСДПчы депутат Данияр Аттокуров Үмөталиеванын билдирүүсүнө таянуу менен чын эле Конституциянын түп нускасынын бар-жогуна кызыкты. 

"Буга чейин талкуу учурунда Токтайым Үмөталиева Баш мыйзамдын түп нускасы жок экенин айтты. Ушундан улам суроо жаралат. Баш мыйзамдын түп нускасы кайда?" — деди Аттокуров. 

Ал эми аталган суроого жооп берген юстиция министри Жылдыз Мамбеталиева аталган маселе боюнча буга чейин Үмөталиева сотко кайрылганын билдирди. 

"Ммөталиеванын доосу боюнча аталган маселе сотто каралган. Доонун негизи жок деген жүйөө менен 2015-жылы арыз артка кайтарылган. Конституция укуктук ченемдик акт болгондуктан мыйзам боюнча түп нускалар президенттин аппаратында сакталат. Бизге күбөлөндүргөн көчүрмөсү келген. Андыктан Юстиция министрлигинде түп нуска жок", — деди министр. 

Ал эми президенттин ЖКдагы өкүлү Молдакун Абдылдаев президенттин аппаратында дагы архивде түп нуска жок экенин билдирди.

Тема боюнча

Референдум бюллетенине ар бир беренени жазуу сунушу депутаттарды кызыл чеке кылды
Алмамбет Шыкмаматов: курултайга бийлик өкүлдөрүнүн бири да келбеди
Белгилер:
нускама, Баш мыйзам, депутат

ЭҢ МААНИЛҮҮ