Жогорку Кеңештин депутаттары жайкы эс алууга тарады

БИШКЕК, 30-июн. — Sputnik. Жогорку Кеңештин алтынчы чакырылыштагы депутаттары жайкы эс алууга тарады.

Эл өкүлдөрү сессияны Кыргызстандын гимнин ырдап аякташты.

"Убакыт учкан куш. Кабыл алынган мыйзамдары коомчулукка пайда алып келет деп ишенебиз. Алдыдагы шайлоочулар менен жолугушууларга ийгилик каалайм. Жайкы эс алууңуздар ийгиликтүү болсун", — деди төрага. 

Алтынчы чакырылыштагы депутаттар сегиз ай иштеп жайкы эс алууга чыкты. Парламент өз ишин кайрадан сентябрь айында баштайт.