Укук коргоочулар президенттен 10 млн. сом өндүрүүгө белсенип, сот отуруму жылды

CC0 / Joe Gratz / Courtroom One GavelСот балкасы. Архив
Сот балкасы. Архив - Sputnik Кыргызстан
Жазылуу
Абдирасулова өлкө башчысы Алмазбек Атамбаевдин үстүнөн жазган арызына толуктоолорду киргизип, мурда талап кылган 2 миллион сомдук доону 10 миллион сомго чейин көтөрдү.

БИШКЕК, 9-июн. — Sputnik. Кыргызстандын президенти Алмазбек Атамбаевди жалган маалымат таратты деп сотко берген укук коргоочулар — Азиза Абдрасулова менен Төлөйкан Исмаилованын арызын караган Биринчи Май райондук соту ишти кароону 15-июнга жылдырганын Абдрасулова Sputnik Кыргызстан агенттигине билдирди.

Белгилей кетсек, укук коргоочулардын арызы 8-июнда Биринчи Май райондук сотунда каралган.

Абдирасулова өлкө башчысы Алмазбек Атамбаевдин үстүнөн жазган арызына толуктоолорду киргизип, мурда талап кылган 2 миллион сомдук доону 10 миллион сомго чейин көтөрдү. 

"Сотко мен Алмазбек Атамбаев өзү келип катышсын жана бизди айыптагандарын тастыктап берсин деген айрым кошумча өтүнүчтөрдү айттым. Бирок сот аны канааттандырган жок. Ошондой эле 2 миллион доонун көлөмүн 10 миллион сомго чейин көтөрдүм", — деди Абдирасулова.

Атамбаев "Элдик парламент" жана өзүнүн отставкасы тууралуу
Белгилей кетсек, 14-майда Энелер күнүнө карата уюштурулган салтанатта Алмазбек Атамбаев "Элдик парламенттин" мүчөлөрүн "туруктуулукту бузгусу келген эл бузарлар" деп атап, алардын жыйынына катышкан укук коргоочуларды грантын актагысы келген бейөкмөтчүлөр деп айткан. Бул жыйынга укук коргоочулар Азиза Абдирасулова менен Төлөйкан Исмаилова да катышкан болчу.

Алар өлкө башчысы Алмазбек Атамбаевден моралдык чыгым үчүн 4 миллион сом талап кылышкан.

Жаңылыктар түрмөгү
0