БИШКЕК, 28-мар. — Sputnik. Кыргызстандын аскердик делегациясы Москвага бара турганын Башкы штаб билдирди.
Иш-чара 29-марттан 1-апрелге чейин белгиленген. Делегациянын курамында коргоо иштери боюнча мамлекеттик комитеттин төрагасы Марат Кенжесариев, Башкы штаб төрагасынын орун басары Нурлан Чомоев бар.
Сапардын алкагында кыргызстандык делегация Россиянын аскердик-техникалык жардам боюнча кызматташуу Федералдык кызматынын жана РФнын Башкы штабынын жетекчиси Валерий Герасимов менен жолугушат.
Анда эки тараптын аскердик-техникалык жатта кызматташуусу, аскердик-техникалык жардам көрсөтүү жана Кыргызстандын аймагында жайгашкан биргелешкен россиялык аскердик базанын иши талкууланат.
