БИШКЕК, 24-мар. — Sputnik. Үңкүр-Тоо эч кимге берилген жок, берилбейт дагы. Бул тууралуу өкмөттүн чек ара маселелери боюнча атайын өкүлү Курбанбай Искандаров маалымат жыйында билдирди.
Ал аталган тоодо турган станциялар алынбай турганын кошумчалады.
"Телекоммуникациянын өнүгүшүн эске алып, биз ал аймакка кошумча станцияларды курабыз", — деди ал.
Маалымат жыйында Мамлекеттик байланыш агенттигинин директору Чыңгыз Бекташов Үңкүр-Тоодогу "Кербен" станциясы кадимки режимде иштеп жатканын айтты.
Бекташов жыл сайын өлкө аймагына 50дөй базалык станциялар курулуп жатканын кошумчалады.
Искандаров Кыргызстандын коңшу Өзбекстан менен 324 чакырым, Тажикстан менен 451 чакырым чек ара тактала электигин билдирди.
