Кыргызстан ЖККУга кыргыз-өзбек чек арасындагы абал боюнча мөөнөтсүз жыйында карайт

© SputnikЧек арадагы абал. Архив
Чек арадагы абал. Архив - Sputnik Кыргызстан
Жазылуу
КРдин туруктуу жана ыйгарым укуктуу өкүлү Аман Мамбетсеитов ЖККУнун мүчө өлкөлөрүнө кыргыз-өзбек чек арасындагы абал туурасында маалымат берет.

БИШКЕК, 21-мар. — Sputnik. 2016-жылдын 22-мартында Кыргызстандын демилгеси менен Москвада Жамааттык коопсуздук келишими уюмунун Туруктуу кеңешинин мөөнөтсүз жыйыны болот. Бул туурасында КРдин Тышкы иштер министрлигинен билдиришти.

Жыйынында КРдин туруктуу жана ыйгарым укуктуу өкүлү Аман Мамбетсеитов ЖККУнун мүчө өлкөлөрүнө Жалал-Абад облусунун Аксы районундагы кыргыз-өзбек чек арасындагы абал туурасында расмий маалымат берет. 

Кербен — Ала-Бука жолундагы чек арачыларга жергиликтүү тургундар сүмөлөк алып барып беришти
2016-жылдын 18-мартында өзбек тарап Жалал-Абад облусунун Ала-Бука районундагы Кыргызстан менен болгон чек арасына зооттолгон эки транспортту, 40ка чукул аскерин койгон. Бир жактуу негизде "Маданият" көзөмөл өткөрүү пунктун жапкан. Өзбекстандын Улуттук коопсуздук кызматынын Чек ара комитети Нооруз майрамына көрүлгөн даярдыктан улам, чек араларын бир тараптуу бекемдегенин билдирген. 

Чек ара кызматтарынын өкүлдөрүнүн сүйлөшүүсүнөн кийин, учурда ал жерде эки тараптан сегизден аскер калтырылды. Буга чейин 20дан аскер турган.

Жаңылыктар түрмөгү
0