БИШКЕК, 27-фев. — Sputnik. Борбор шаардын кеңеши Албек Ибраимовду Бишкектин мэрлигине шайлады.
Шаардык кеңеште 45 депутат бар, эгерде талапкер 23төн кем эмес добуш алса, жеңди деп эсептелет.
Бирден-бир жалгыз талапкерге 42 депутат "макул" деген добушун берсе, бирөө каршы болду. Аны Бишкек шаарынын башчылыгына КСДП фракциясы сунуштаган.
Кубанычбек Кулматов мэрлик кызматты 9-февралда өз каалоосу менен тапшырып берген.
Ибраимов буга чейин "Эл аралык "Манас" аэропорту" ачык акционердик коомун башкарып, андан соң компаниянын директорлор кеңешинин курамына мүчө болгон.
