БШК парламенттик шайлоонун расмий жыйынтыгын жарыялады

БИШКЕК, 15-окт. — Sputnik. БШК төрагасы Туйгунаалы Абдраимов 4-октябрда өткөн парламенттик шайлоонун расмий жыйынтыгын жарыялады.

Шайлоого 1,5 миллиондон ашуун жаран келип, алардын добушу  төмөнкүдөй бөлүштүрүлгөн:

• КСДП — 432 миң 846 жаран же 27,56 пайыз;
• "Республика — Ата-Журт" — 318 миң 266 жаран же 20,26 пайыз;
• "Кыргызстан" — 205 миң 286 шайлоочу же 13,07 пайыз;
• "Өнүгүү — Прогресс" — 147 миң 515 добуш же 9,39 пайыз; 
• "Бир Бол" — 134 миң 939 шайлоочу же 8,59 пайыз;
• "Ата Мекен" — 122 миң 500 адам же 7,83  пайыз.

Ошондо КСДП 38 мандатка ээ болду. "Республика — Ата-Журт"  партиясы 28 орун ээлей турган болсо, "Кыргызстан" партиясына 18, ал эми "Өнүгүү — Прогресс" партиясына 13 мандат тийди. "Бир Бол" партиясынын 12 өкүлү депутат болсо, "Ата Мекен" партиясы 11 мандат алмай болду.

БШК сегиз шайлоо участогунда добуш берүүнүн жыйынтыгын жараксыз деп тапты.

Алты партиянын ар бири канчадан депутаттык мандатка ээ болгонун Sputnik инфографикасынан көрсөңүз болот>>