БИШКЕК, 4-окт — Sputnik. Бардык алты партия тең алдын ала маалыматтарга караганда, аймактык жети пайыздык босогону өттү. Бул туурасында БШКнын төрагасы Туйгунаалы Абдраимов маалымат жыйынында билдирди.
Анын айтымында, алдын ала жыйынтык боюнча 50-60 миң шайлоочунун берген добуштары иштелип чыкты.
"Булар добуштардын жыйынтыгына таасирин тийгизиши мүмкүн",— деди Абдраимов.
"Шайлоо жөнүндө" мыйзамга ылайык, саясий партиялар аймактар менен Ош жана Бишкек шаарлары боюнча кеминде 0,7 пайыз добушка жетиши керек. Ал эми жалпы республика боюнча шайлоочулардын 7 пайыздан көп колдоосуна ээ болгон партиялар Жогорку Кеңешке өтүү укугун алышат.
БШКдан алынган маалыматтар боюнча шайлоого 1,5 миллион жаран келди.
2015-жылдын 4-октябрында өткөн кезектеги парламенттик шайлоодо Кыргызстандын тарыхында биринчи жолу биометрикалык маалыматтар колдонулду. Өзүнүн жеке маалыматтарын тапшырган респубилканын 2 миллион 671 миң 297 жараны шайлоого катышууга укук алган.
