БИШКЕК, 4-окт. — Sputnik. Борбордук шайлоо комиссиясынын автоматтык түрдө санаган урналарынан алынган маалыматтардын жыйынтыктары чыкты. Ага ылайык, КСДП партиясы 26,84 пайыз менен алдыда. Андан кийинки орунду "Республика Ата-Журт" (20,55 пайыз), "Кыргызстан" (12,73 пайыз), "Өнүгүү- Прогресс" (9,19 пайыз) жана "Бир Бол" (8,51 пайыз) жана "Ата Мекен" – (7,93 пайыз).
Бул жыйынтыктарга ылайык, аталган партиялар парламенттен төмөнкүдөй орундарды алышы мүмкүн (кечки саат 20.30га алынган маалыматтар боюнча):
КСДП – 37 орун;
"Республика Ата-Журт" – 29;
"Кыргызстан" – 18;
"Өнүгүү — Прогресс" – 13;
"Бир бол" – 12;
"Ата Мекен" — 11.
4-октябрда өлкөдө парламенттик шайлоо өтүп, ага 14 партия катышты.
