Сот Ташиевди депутаттыкка талапкер катары кайта каттоодон баш тартты

© Sputnik / Табылды Кадырбеков"Республика – Ата-Журт" партиясынан талапкер Камчыбек Ташиев. Архив
Республика – Ата-Журт партиясынан талапкер Камчыбек Ташиев. Архив - Sputnik Кыргызстан
Жазылуу
Ошентип, Камчыбек Ташиев шайлоо өнөктүгүнөн четтетилди. Сот Калыбаев "Республика – Ата-Журт" партиясын жактоочуларды Биринчи май райондук соттун чечиминин үстүнөн үч күн ичинде Жогорку сотко арыз берүүгө укугу бар деп билдирди.

БИШКЕК, 30-сен. — Sputnik. Сот "Республика – Ата-Журт" партиясынын тарапташтарынын Камчыбек Ташиевди депутаттыкка талапкер катары тизмеге кайра каттоо өтүнүчүн канааттандырган жок.

Камчыбек Ташиевди депутаттыкка талапкерлик ордун кайтарып берүү жөнүндө "Республика – Ата-Журт" партиясынын доо арызы бүгүн Бишкек шаардык Биринчи май райондук сотунда каралды. Борбордук шайлоо комиссиясы Ташиевди шайлоо өнөктүгүнөн чыгаруу боюнча чечим кабыл алган. БШКнын аны Ташиевдин "Өнүгүү-Прогресс" саясий партиясынан депутаттыкка талапкер Абдыманап Абдыбахапов менен мушташы боюнча козголгон кылмыш ишинин негизинде чыгарган. ал эми окуя өткөн ишемби күнү, 26-сентябрда болгон. "Өнүгүү-Прогресс" партиясынын өкүлү учурда ооруканада дарыланууда.

Камчыбек Ташиев. Архив - Sputnik Кыргызстан
БШКнын жетекчиси Ташиевдин шайлоодон четтетилгенине түшүндүрмө берди
Биринчи май райондук сотунун судьясы Алмаз Калыбаев "шайлоо процессин мыйзамдуу камсыз кылуу Боршайкомдун укугу эмес, милдети" деп баса белгиледи.

Анын айтымында, соттун чечими жарыяланган күндөн тартып күчүнө кирет. "Республика – Ата-Журт" партиясынын тарамдаштары райондук соттун чечиминин үстүнөн үч күн ичинде Жогорку сотко арыз бере алышат.

Сот иши шаршемби күнү эртең мененки 10.40та башталып, түштөн кийин саат 3.45те аяктады.

Сотко Ташиев өзү катышкан жок. Анын кызыкчылыгын "Республика – Ата-Журт" партиясынын өкүлдөрү коргоду.

Жаңылыктар түрмөгү
0