БШК депутаттыкка талапкер Мурашевге эскертүү берди

© пресс-служба ЖК "Бир Бол" саясий партиясынан талапкер Нурбек Мурашев. Архив
Бир Бол саясий партиясынан талапкер Нурбек Мурашев. Архив - Sputnik Кыргызстан
Жазылуу
Сентябрь айынын башында "Бир Бол" жана "Өнүгүү-Прогресс" партияларынын талапкерлеринин ортосунда пикир келишпестик болуп, анын аягы мушташ менен бүткөн.

БИШКЕК, 15-сен. — Sputnik. "Өнүгүү-Прогресс" партиясы "Бир Бол" саясий уюмунун тизмесинен Нурбек Мурашевди чыгарып салууну талап кылып жатканын БШК мүчөсү Жеңиш Акматов жыйын учурунда билдирди.

БШК Самаковду, Чудиновду, Айдаралиевди кылмыш жообуна тартууга макулдук берген жок
Анын айтымында, буга Мурашев ("Бир Бол") менен Кабылжан Кимсанбаевдин ("Өнүгүү-Прогресс") ортосундагы мушташ себеп болууда. Кимсанбаев аны 3-сентябрда Мурашев сабап салганын, бул тууралуу ал милицияга арыз менен кайрылганын билдирген. 

Талкуунун жыйынтыгы менен БШК Мурашевге эскертүү берүү чечимин кабыл алды.

Алдыда боло турган парламенттик шайлоого Нурбек Мурашев "Бир Бол" партиясынан 30-талапкер катары катышууда. Ал эми Кимсанбаев "Өнүгүү-Прогресс" партия тизмесинин 53-сабында турат.

Буга чейин Башкы прокуратура Мурашевдин катышуусундагы башка мушташ фактысы боюнча кылмыш ишин козгогон.

Жаңылыктар түрмөгү
0