БИШКЕК, 14-май — Sputnik. Кыргызстандын ЕАЭБге кириши боюнча документтердин толук пакети Жогорку Кеңештин кароосуна 18-майда алынып чыгат деп билдирди өкмөттүн отурумунда экономика министри Олег Панкратов.
8-майда Евразиялык экономикалык биримдиктин алгачкы саммитинде республиканын альянска кошулушу жөнүндө акыркы документтерге кол коюлган.
Панкратовдун айтымында, эки протокол жана үч техникалык протокол, ошондой эле бардык тиркемелер парламенттин тийиштүү комитеттери тарабынан тездик менен каралат.
"20-майга пленардык отурум белгиленди, анда депутаттар КРдин ЕАЭБге кошулушун карап чыгып жактыруулары керек болот", — деди министр.
Россия, Белоруссия жана Казакстан 2014-жылдын 29-майында Астана шаарында Евразиялык экономикалык биримдик жөнүндө келишимге кол коюшуп, ал 2015-жылдын 1-январында күчүнө кирген. Үстүдөгү жылдын башында ЕАЭБге Армения да кошулган.
