БИШКЕК, 9-апр — Sputnik. Мамлекеттик мүлктү башкаруу фондунун башчысы Дүйшөнбек Ирсалиев премьер-министр Жоомарт Оторбаевдин чыгарган буйругунун негизине отставкага кетти. Бул туурасында өкмөттүн аппаратынан билдиришти.
Кечээ Оторбаев Мамлекеттик мүлктү башкаруу фондунун башчысы Дүйшөнбек Ирсалиевди кызматтык субординацияны сактабагандыгына байланыштуу кызматтан бошоткон.
ЖК депутаты Абдыманап Кутушев парламенттин түштөн кийинки жыйынында "Кумтөр" боюнча маселени кароодо Дүйшөнбек Ирсалиевдин кызматтан кеткендиги боюнча анын пикирин да угуу туура болот деген оюн айтты.
"Мамлекеттик мүлктү башкаруу фонундун башчысы Дүйшөнбек Ирсалиевдин да пикирин уксак туура болот деп ойлойм. Өкмөт азыр кимдин тегирменине суу куюп жатат, Кыргызстандынбы же башка жактардынбы, ошону аныктап, чечишибиз керек", — деди Кутушов.
Учурда бошогон жетекчинин милдетин фонддун статс-катчысы Нурбек Калматов аткарууда.
