БИШКЕК, 19-ноя — Sputnik. Жапония парламентинин Кеңешчилер жыйынынын президенти Масааки Ямадзаки ЖК төрагасы Жээнбеков менен жолугушууда эки өлкөнүн калкын жакындата турган парламенттер аралык байланыштарды жандантуу зарылдыгын айтты. Маалыматты ЖКнын басма сөз кызматы таратты.
"Сиздин иш сапар эки өлкө ортосундагы дипломатиялык мамилелер орногондон тартып, Кыргызстан парламентинин төрагасынын Жапонияга биринчи иш сапары болду. Бул эки тараптуу кызматташтыкты бекемдөөдө зор мааниге ээ жана бул парламенттер аралык байланыштарга динамика берерине ишенем", — деди Ямадзаки.
Жолугушууда эки тараптуу кызматташуу маселелери талкууланды. Жапон элине Кыргызстандын эгемендик алгандан жылдарынан бери көрсөткөн бардык жардамы үчүн ыраазычылык билдирген Жээнбеков Жапония парламентинин кеңешчилер жыйынынын президенти Ямадзакини Кыргызстанга расмий иш сапар менен келип кетүүгө чакырды.
Бул иш-сапардын алкагында төрага баштаган делагацияны Жапониянын императору Акихито кабыл алган.
