Саламаттыкты сактоо министри ишин дубандардагы ооруканалардан баштады

© Пресс-служба правительства / Сабыр АильчиевПремьер-министр Жоомарт Оторбаев саламаттыкты сактоо боюнча жаңы министри Талантбек Батыралиевди кабыл алды.
Премьер-министр Жоомарт Оторбаев саламаттыкты сактоо боюнча жаңы министри Талантбек Батыралиевди кабыл алды. - Sputnik Кыргызстан
Жазылуу
Жоомарт Оторбаев жаңы ден соолук министринен эл аралык клиникалардагы менеджменттин тажрыйбаларын Кыргызстанда пайдаланаарына ишеним артты.

БИШКЕК, 11-ноя — Спутник Кыргызстан. Кыргызстандын саламаттыкты сактоо боюнча жаңы министри эки жумадан кийин тез арада чече турган маселелердин планын алып чыгат. Бул туурасында ал премьер-министр Жоомарт Оторбаев кабыл алганда айтты. 

Жаңы министр менен өкмөт башчысы аталган министрликтин жакынкы арада жасай турган иштерин талкуулады. Андан сырткары келечектеги пландар туурасында да кеп болду. 

Премьер-министр Жоомарт Оторбаев саламаттыкты сактоо тармагына каралган каражаттарды майнаптуу колдонуу зарылдыгына басым жасады. 

"Социалдык тармакка, анын ичинен саламаттыкты сактоо тармагына республикалык бюджеттен арбын акча бөлүнөт, бирок, ал бардык муктаждыктарды жапканга жетпейт. Анткен менен колдо болгон акчаны чыгымды карап, майнаптуу пайдалануу зарыл. Менеджменттин тажрыйбалары жакшы колдонулган клиникаларда иштеген тажрыйбаңыз биздин саламаттыкты сактоо тутумундагы көйгөйлөрдү чечүүгө жардам берет деп ишенем", — деди Оторбаев. 

Министр Талантбек Батыралиев премьер-министрге республиканын бардык облустарын кыдырып, ооруканалардын, бейтапканалардын жана фельдшердик – акушердик пункттардын абалы менен таанышып чыккандыгын айтты. 

"Дубандарды кыдырып чыккандан кийин биринчи кезекте чече турган иштерди аныктадым. Эки жумадан кийин тез арада чечиш керек деген маселелер боюнча жасай турган иштер боюнча планымды алып чыгам ", — деди Батырлиев. 

Профессор Талант Батыралиев дүйнөдөгү алдыңкы беш мыкты кардиологдордун бири. Түркиядагы мыкты деген кардиоклиникалардын бири — "Санко" ооруканасын жетектеген. 

АКШнын Ангиология колледжинин, Инвазивдик ыкма менен иштеген Кардиология боюнча дүйнөлүк академиянын, европалык кардиологдор коомунун мүчөсү. АКШдагы Universal Award of Accomplishment (ABI USA) илимий сыйлыгынын ээси.

Жаңылыктар түрмөгү
0