Жолугушуунун жүрүшүндө Мамлекет башчысы менен Ага Хан IV анын Ага Хан Уюмунун өнүктүрүү боюнча азыркы ишмердиги, ошондой эле Уюмдун агенттиктери тарабынан билим берүү, саламаттык сактоо, микрокаржылоо, чакан бизнести өнүктүрүү, маданият, туризм жана банк иштери секторлорунда ишке ашырылып жаткан долбоорлорду талкуулашты.
Ошондой эле Нарын шаарындагы Борбордук Азия Университетинин ишмердиги туурасында сөз болду.
Президент Атамбаев Ага Хан IVгө Кыргызстанда өнүктүрүү боюнча Ага Хан Уюмунун активдүү ишмердиги үчүн ыраазычылык билдирип, өлкөнү мындан ары социалдык-экономикалык өнүктүрүү үчүн алар ишке ашырып жаткан долбоорлордун маанисин белгиледи.
Буга чейин Ага Хан IV ЖКнын спикери Асылбек Жээнбеков жана премьер-министр Жоомарт Оторбаев менен жолуккан.
