БИШКЕК, 5-ноя — Спутник Кыргызстан. Тараптар Кыргыз Республикасы менен Ага Хандын Өнүктүрүү түйүндөрү менен кызматташуу, келечектүү, бирдиктүү долбоорлорду ишке ашыруу маселелерин талкуулашты.
Төрага Жээнбеков социалдык-экономикалык, билим берүү тармактарындагы кызматташтыгы үчүн ыраазычылыгын билдирди. Ал Өнүктүрүү түйүндөрүнүн долбоорлору өлкөдөгү күндөлүк социалдык-экономикалык көйгөйлөрдү чечүүгө, республиканын тоолуу аймактарындагы калктын аялуу катмарынын турмуш шартын жакшыртууга көмөктөшө тургандыгын белгиледи. Бул туурасында ЖКнын басма сөз кызматы билдирди.
Ага Хан Өнүктүрүү түйүнүнүн долбоорлорун ишке ашырууга көмөктөшкөндүгү үчүн Кыргызстандын жетекчилигине ыраазычылыгын билдирди.
"Биздин түйүн менен Кыргызстандын мамлекеттик түзүмдөрүнүн кызматташуусунан улам иштерибиз ийгиликтүү жүрүп жатат", – деди ал.
