БИШКЕК, 4-ноя — Спутник Кыргызстан. Россиянын министрлер кабинети россиялык-кыргыз өнүктүрүү фондун түзүү жөнүндө Кыргыз Республикасынын Өкмөтү менен келишим түзүү жөнүндө оюн жактырды. Бул тууралуу РИА новости кабарлады.
Билдирүүгө караганда, фондду түзүү өлкөлөр ортосундагы экономикалык кызматташтыкка, кыргыз экономикасын жаңылантууга жана өнүктүрүүгө көмөк көрсөтүүнү көздөйт.
Кыргызстандын Өкмөтү 2011-жылы жазында өлкөнү Россиянын, Белорусиянын жана Казакстандын Бажы биримдигине кабыл алуу өтүчү менен кайрылган. Ошол эле жылы октябрда ЕврАзЭШ өлкөлөрүнүн мамлекет башчыларынын сүйлөшүүлөрү учурунда Кыргызстандын ББга кирүүсү тууралуу чечим кабыл алынып, жумушчу топ түзүлгөн.
Россия, Белоруссия жана Казакстан 29-майда Астанада Евразия экономикалык шериктештик (ЕврАзЭШ) түзүү жөнүндө келишимге кол коюшкан. Ал 2015-жылдын 1-январында күчүнө кирет. ЕврАзЭШ тин түзүлүшү бүгүнкү күндө жалпы бажылык аймакка ээ жана өндүрүмдөрдүн жалпы дүң жүгүртүүсү КМШ өлкөлөрунүн дүң өндүрүмүнүн 85% түзүүчү ББга катышуучу өлкөнү интеграциянын дагы жогорку деңгээлине алып чыгат.
Майдын аягында Астанада болгон Жогорку Евразия экономикалык кеңешинин отурумунда Кыргызстанды ББга жана ЕврАзЭШке кошуу жөнүндө иш-чаралардын планына кол коюлган. Учурда кошулуу үчүн зарыл мыйзам долбоорлору республиканын кароосунда. Өкмөт 2015-жылдын январына чейин Кыргызстан интеграциялык бирикмеге кошулуу үчүн бардык документтерди кабыл алууга үлгүрөт деген ойдо.
