Күч атасын тааныбайт. Бишкектеги ММА беттешиндеги кайдыгер калтырбаган ирмемдер

Кыргызстанда ММА Федерациясынын ачылышына арналып өткөн турнирдеги башкы беттеште Наби Мамадовду Нурбек Исмаилов утуп, жеңишке ээ болду. 

Жаңы ачылган федерацияны спорт дүйнөсүндө "Борода" деген ат менен белгилүү Жамал-Адам Яндиев жетектеп баштады. 

Федерация ачылышынын урматына уюштурулган спорттук бул иш-чарада ММА боюнча алты беттеш болду. 

1-беттеште Ризван Абдусаламовду Канат Келдибеков, 2-беттеште Исаев Магомедди атаандашы Муборакшоев Муборакшо, 3-таймашта Лом Али Нальгиевди Нуралы Насыров, 4-беттеште Дильшод Шодиевди Достук Жолдошев, ал эми бешинчи беттешүүдө Габиев Гундузуну Рафаель Физиев жеңип алды.

Беттешке Кыргызстандын, Тажикстандын, Азербайжандын, Ингушетиянын жана Дагестандын спортчулары катышты. 

Спорттук бул салтанат аяктагандан кийин Федерация башчысы Жамал-Адам Яндиев жубайы кыргызстандык Аиша Яндиевага элдин алдында бир кучак роза гүлүн тапшырды.

Коноктордун арасында "Бригада" сериалындагы актер Александр Иншаков болду.

Ал эми бул иш-чарага чакырылган россиялык рэпер Джиган жана Лигалайз бир нече чыгармаларын аткарды.