Быйыл Курман айт майрамы 12-сентябрга туш келип, бул күн өлкө боюнча дем алуу күнү деп жарыяланган. Калаа тургундары менен айт намазга өкмөт башчы Сооронбай Жээнбеков баштаган аткаминерлер да келди. Андан сырткары, Кыргызстандын муфтийи Максат ажы Токтомушев да болду.
Бишкектеги Эски аянтта айт намазы окулду
Чогулган элге Кыргызстандын муфтийи Максат ажы Токтомушев куттук айтты
Эски аянтка кары-жашы дебей келген эл кылкылдап батпай турду
Көтөрүңкү маанай менен келгендер бир ооздон жакшылык тилеп турушту
Майрамдык намазга өкмөт башчысы Сооронбай Жээнбеков дагы катышты
Намазга келгендер Жараткандан тынчтык, молчулук жана союлган малдын сообун тилешти
Коомдук тартипке укук коргоо органдарынын өкүлдөрү көз салып турду
Майрамдык айт намазды чагылдыруу үчүн журналисттер дагы келди
Бул күнү айт намазга келгендердин коопсуздугун милиция кызматкерлери камсыздашты
Эски аянттагы айт намазга келгендер
Айт намазга келгендер аруу тилектери менен дуба кылышты
Майрамдык намаз бардыгы үчүн бирдей
Кыргызстандын муфтийи Максат ажы Токтомушев айт намазга келгендер менен учурашууда
Айт намаз саат 8.00дө башталды. Ага чейин баяндар айтылып, куттуктоолор жолдонду
Намазга келгендер бир-биринин колун кысып, Курман айт майрамы менен куттукташууда
