Өлкөнүн өкмөт башчысы Бинали Йылдырым төңкөрүштү теракт деп атоо менен өкмөт өз ишин улантып жатканын баса белгиледи.
Түнкү окуялардан кийин беш түрк генералы менен 29 полковник кызматтан четтетилип, кармалган аскер кызматкерлердин саны 1 563кө чукулдады. Ал арада Анкарада куралсыз 200 аскер багынып берди.
Акыркы маалыматтарда кагылышуулардан курмандыктардын саны 90го, жарадарлар 1 154кө жеткени айтылды.
Стамбулдун эски жана жаңы бөлүгүн бириктирип турган Босфордо полиция демонстранттарды артка айдап жаткан учурдан тартылган сүрөт. Кылт этсең, ажал... Бут алдыда суу, алдыда полиция, артта туруксуз саясий абал
Канжалаган жоокер... Полиция жаалданган топтон аскер кызматкерин коргоп жатат
Аскер техникасы менен төңкөрүш кылууга катышкан кишини алып кетип бара жатышат. Көчөгө чыккандар аны күч менен токтотууга аракет кылууда
Стамбулдун көчөсүндөгү түнкү төңкөрүштүн изи..
Босфорду козголоңчулардан тартып алган Эрдогандын талапташтары кубанып, кучакташып жатышат
Кубанычпы... өкүнүүбү, айтор, бир сезимдер
Каза болгондордун туугандары. Акыркы маалыматтар боюнча төңкөрүш кылууга аракет кылган окуядан каза болгондордун саны 100гө чукулдап барды
Президент Эрдогандын Анкарадагы резиденциясына бомба ташташты. Түтүндү алыстан эле байкоого болот
Анкаранын Кызылай аянтындагы танка тебелеп кеткен автоунаа
