БИШКЕК, 24-окт. — Sputnik. Жогорку Кеңештеги КСДП фракциясынын лидери Иса Өмүркулов көпчүлүк коалициядагы эки фракциянын ("Ата Мекен" менен "Өнүгүү — Прогресс" — авт.) өкүлдөрү менен чогуу иштеше албастыгын жарыялап, коалициядан чыгуу чечими кабыл алынганын журналисттерге билдирди.
"КСДП фракциянын жыйынында көпчүлүк коалициядан чыгуу чечимин кабыл алдык. Кийинки кездеги болгон кырдаалдар ушундай шарт түзүп жатат. Биз коалициядагы эки фракциянын өкүлдөрү менен иштеше албасыбызды жарыялап жатабыз. Мамлекетте тынчтык, туруктуулук болсун деп аракет кылдык", — деди Өмүркулов.
Ал ошондой эле учурдагы көпчүлүк бирикме коалиция эмес эле парламенттеги оппозиция менен позиция болуп калганын айтып, анын ичинде жарым оппозиция болсо да ал коалициянын жашоосу кыска болуп каларын кошумчалады.
