БИШКЕК, 9-янв. — Sputnik. Террорчунун өзүн тууган энесин жазага тартканы бардык чектен ашып кетти. Бул туурасында Россиянын Федерация Кеңешинин коргонуу жана коопсуздук боюнча комитетинин төрагасынын орун басары Франц Клинцевич РИА Новостиге билдирди.
"Ислам мамлекети" террордук тобунун мүчөсү, согушкер өз энесин казганактаган элдин алдында өлүм жазасына "тартып", жанын алгандыгын Сириядагы адам укугу боюнча байкоочу кеңештен билдиришкен.
"Өз энесин өлүм жазасына тартуу деген эмне. Бул бардык чектерден чыгып бара жаткан көрүнүш. Башка терактыларды кошо алып, бир эле бул окуяны кошкондо да "Ислам мамлекети" уюму анык жүзүн көрсөтүп койду. Мындайды орто кылымда да эч ким көргөн эмес", — деди сенатор.
29 Бештин айы 2015, 13:56
Укук коргоочулардын айтымында, болжол менен 45 жаштардагы аял жыйырма жаштагы уулун "Ислам мамлекети " деп атап алган топтон чыгып, Раккадан биргеликте качып кеткенге көндүрүүгө аракет кылган. Аял муну коалициялык күчтөр "топтун бардык согушкерлерин өлтүрөт" деп, баласынын өмүрү үчүн кооптонгондуктан улам жасаган. Баласы муну террордук топтун жетекчисине жеткирип барып, аялды алар дароо кармашкан. Ал эми акылсыз баласы бечара аялды өзү иштеген почтанын жанында казганактаган элдин алдында өлтүргөнгө колу барган.
