Кыргыз-өзбек чек ара маселесин чечүү боюнча конструктивдүү иштерди улантуу макулдашылды

© Фото / пресс-служба кабинета министров КРОбсуждение приграничных вопросов в Оше
Обсуждение приграничных вопросов в Оше - Sputnik Кыргызстан
Жазылуу
Вице-премьер министр Жеңиш Разаков 17-январда, Ош шаарында Өзбекстандын премьер-министринин орун басары Адхам Икрамов баштаган делегация менен жумушчу жолугушуу өткөрдү.

БИШКЕК, 17-янв. — Sputnik. Кыргызстандын жана Өзбекстандын өкмөттүк делегациялары чек ара маселелерин чечүү боюнча конструктивдүү иштерди улантууну макулдашканын өкмөттүн маалымат кызматы билдирди.

Маалыматка ылайык, вице-премьер министр Жеңиш Разаков 17-январда, Ош шаарында Өзбекстандын премьер-министринин орун басары Адхам Икрамов баштаган делегация менен жумушчу жолугушуу өткөрдү.

Жолугушууда кыргыз-өзбек мамлекеттик чек арасын делимитациялоо жана демаркациялоо маселелери талкууланды.

"Тараптар мамлекеттик чек аранын калган такталбаган тилкелери боюнча позицияларды тез арада макулдашуу зарылдыгын билдиришти. Ошондой эле чек араларды делимитациялоо жана демаркациялоо боюнча биргелешкен иштерди улантуу тууралуу макулдашуу орун алды", — деп айтылат маалыматта.

Жолугушуу Алмазбек Атамбаевдин 2016-жылдын декабрь айында Өзбекстанга жасаган иш сапарынын алкагында жетишилген макулдашуулардын жыйынтыгы боюнча өтүүдө.

Кыргыз-өзбек мамлекеттик чек арасын делимитациялоо жана демаркациялоо боюнча сүйлөшүүлөр Ош шаарында 15-17-январда өттү.

Жаңылыктар түрмөгү
0