Лаврова учак менен жүрүүгө 630 миң сом короткон

© Sputnik / Табылды КадырбековАрхив: "Манас" аэропортундагы учак
Архив: Манас аэропортундагы учак - Sputnik Кыргызстан
Жазылуу
Финансы министрлигин текшерген Эсеп палатасы аталган министрликтин жетекчиси ары-бери учканда каражатты ысырапкорлук менен пайдаланган деп билдирди.

БИШКЕК, 3 дек — Sputnik. Эсеп палатасы 2013-жылдагы Финансы министрлигин жана ага караган бөлүмдөрдүн эсеп-кысабын текшерип, анда атайын эсептин акчасын жана башка каражаттарды пайдаланууда мыйзам бузган деп билдирди. Бул туурасында аталган мамлекеттик органдын расмий сайтында маалымат жайгаштырылган. 

Эсеп палатасынын билдиргенине караганда, Ольга Лаврованын 2013-жылдагы алты командировкасы боюнча аванстык отчетторду текшере келгенде жалпы сумма 630 200 сомду түзгөн.

"Муну менен катар эле аба каттамдарында аны коштоп жүргөндөрдүн командировка кагазындагы суммасы 233 600 сомду чапчыган, тактап айтканда, жетекчисине салыштырганда 396 600 сомго аз болгон. Авиабилеттердин баасындагы айырмачылык министрдин бизнес-класс, ал эми кызматкерлеринин эконом-класс үлүгүсү менен учкандыгында", — деп билдирди Эсеп палатасы.

Аталган орган бюджеттик каражаттын 396 600 сому туура эмес, ысырапчылык менен пайдаланылган деп билдирүү жасады.

Жаңылыктар түрмөгү
0