БИШКЕК, 11-июн. — Sputnik. Кыргызстандын Россиядагы элчилиги тактайга жардам сурап кайрылган белгисиз мигрантты издей баштады. Бул тууралуу Sputnik Кыргызстан агенттигине дипломатиялык өкүлчүлүктүн атташеси Гүлбарчын Байымбетова билдирди.
Буга чейин маркер менен жазылган жазуусу бар жыгач тактайлардын сүрөтү пайда болгон. Жыгач Россиядан келгени анык болгон.
11 Кулжа 2016, 14:31
Алдын ала божомолдорго ылайык, жазуу Томск шаарында иштеген мигрант тарабынан жазылган. Аты-жөнү анча билинбегени менен соцтармактагылар аны Турдубек Кубанычбеков деп аташууда. Жазуудан Кубанычбековдун кулчулукта жүргөнү, ага жардам керек экени айтылат.
Байымбетованын айтымында, консулдук бөлүм бул маселенин чоо-жайын иликтеп, өз көзөмөлүнө алды.
