БИШКЕК, 16-янв. — Sputnik. "Манас" аэропортунун жака белинде кыйраган Тurkish Airlines компаниясынын учагы Гонконг — Стамбул каттамы менен учуп бара жаткан. Бул тууралуу "Манас" аэропортунун маалымат кызматы билдирди.
Жүк ташуучу учак эртең менен "Манас" аэропортуна жакын жерге кулап түшкөн. Каза болгондордун саны 20дан ашканын ӨКМ билдирген.
"Жүк ташуучу учак Гонгонгдон Стамбулга бара жаткан. Бишкектеги "Манас" аэропорту аркылуу май куюу үчүн коноор алдында кырсыктады", — деп жазылат маалыматта.
Учурда кырсык болгон жерге премьер-министр Сооронбай Жээнбеков баштаган өкмөт мүчөлөрү жүрөт.
