БИШКЕК, 1-янв. — Sputnik. Стамбулдагы түнкү клубдардын биринде Санта-Клаустун кийимин кийген террорист ок чыгарып, андан 35 киши каза болуп, 40 киши түрдүү жаракаттарды алганын РИА Новости агенттиги Guardian басылмасына шилтеме берүү менен билдирди.
Шектүү Калашников автоматы менен куралданган. Стамбулдун губернатору Васип Шахин террорист жалгыз болгонун тастыктады. Ал күч түзүмдөрү тарабынан жок кылынган.
🇹🇷 #Istanbul Images caméra de surveillance au moment où l'assaillant entre dans la boite de nuit #Reina, en ouvrant le feu. (@mevlutyuksel) pic.twitter.com/9wivFEtIXl
— Actu17 (@Actu17) 1 января 2017 г.
Анын клубга кол салган учура видео байкоого дагы түшүп калган. Клубдун ичиндегилер баш аламандыктан өзүн сактап калуу үчүн Босфор суусуна секиришкенин Франс Пресс агенттиги билдирди.
Окуя болгон түнкү клуб Стамбулдун Бешикташ аймагында Босфор суусунун жээгинде жайгашкан.
