Уул-кызына добуш берүүгө мажбурлаган кара-балталык базаркомго кылмыш иши козголду

Жазылуу
Кара-Балтадагы базардын соодагерлери базар кожоюну шайлоодо бир партияга добуш берүүгө мажбурлаганын айтып, Башкы прокуратурага азыр жазышты.

БИШКЕК, 16-дек. — Sputnik. Башкы прокуратура Кара-Балтанын "Азия-2" базарынын директоруна кылмыш ишин козгогондугу тууралуу аталган ведомство билдирди. 

Маалыматка караганда, соодагерлер базар жетекчиси шайлоо учурунда аларды добуш берүүгө мажбурлады деген арыз жазышкан.

Базар жамааты кожоюну ар бир киши ондон шайлоочу таап, өзүнүн уулу менен кызы талапкер катары тизмесине кирген партияга добуш берүүсүн талап кылганын жазышкан. 

"Эгер мындай болбосо ижара акысын көтөрө турганын же таптакыр эле ордун алып аларын айтып коркуткан. Ал эми шайлоо болгон 11-декабрь күнү базардын дарбазасын жаап алып, ал айткан партияга добуш бербесе, базардагы ордуна киргизбей коерун жарыялаган. Эми шайлоодо өзү каалаган жыйынтыкка жетпей калып, айрым сатуучуларга ижараны эки эсеге көтөрүп салды", — деп айтылат билдирүүдө. 

Состоялась церемония открытия нового здания Генеральной прокуратуры - Sputnik Кыргызстан
Башкы прокуратура: депутаттыкка талапкерлердин үстүнөн арыздар түштү
Базар директору менен дагы бир нече адамга Башкы прокуратура КРнын Кылмыш, жаза кодексинин 139-беренесинин 3-бөлүгү (Шайлоо укуктарын жүзөгө ашырууга же шайлоо комиссияларынын ишине тоскоолдук кылуу) менен кылмыш ишин козгоду. 

Кылмыш ишин иликтөө Чүй РИИБине тапшырылды.

Ал эми аталган базардын администрациясы менен байланышууга мүмкүнчүлүк болгон жок.

Жаңылыктар түрмөгү
0