Бишкек шаарында чыккан өрт бүгүн эртең менен өчүрүлдү

© Sputnik / Актан ТемиркановПожар на западе Бишкека
Пожар на западе Бишкека - Sputnik Кыргызстан
Жазылуу
Кампадагы жалындаган мотор майларынын өртүн өчүрүү үчүн ӨКМдин бир нече бөлүмү андан сырткары ИИМдин кызматкерлери жана муниципалдык ишкана тартылган.

БИШКЕК, 6-ноя. — Sputnik. Борбор калаанын батыш жагында кечээ мотор майлары сакталган кампада чыккан өрт толугу менен бүгүн эртең менен 8:25те өчүрүлдү. Бул туурасында ӨКМдин маалымат кызматы кабарлады. 

Сотрудники МЧС на месте пожара на западе Бишкека - Sputnik Кыргызстан
Бишкектеги мотор майлары сакталган кампанын күйүшү сүрөттө
Кечээ "Чексиз" ЖЧКсынын кампасында чыккан өрттү өчүрүү үчүн Өрткө каршы кызматтын сегиз бригадасы иштеп, эки бийик тепкич пайдаланылган. Мындан сырткары ӨКМдин бир нече тобу, куткаруучулар тобу, Кризистик абалга каршы иш алып бара турган башкы башкармалыктын көчмө тобу, ИИМдин кызматкерлери, "Тазалык" ишканасынын суу ташыган төрт машинасы жана 80ге чукул өрт өчүрүүчү иштеген. 

Кечээ 5-ноябрда саат 13:03тө Бишкек шаарынын батыш тарабында өрт чыкканы тууралуу билдирүү келип түшкөн. Садыгалиев жана Лев Толстой көчөлөрү жакта мотор майлары сакталган кампа күйгөн. Тилсиз жоо 2,5 миң метр чарчы аянтка жайылган.

Бишкектин батышында өрттөнгөн кампанын асмандан көрүнүшүн Sputnik Кыргызстан видеосунан көрүңүз>>

Жаңылыктар түрмөгү
0