Екатеринбургдагы консул: кыргызстандык аял баласын унитазга агызайын деген эмес

© Sputnik / Вера Костамо / Медиабанкка өтүүРабота санитарной авиации в Архангельской области
Работа санитарной авиации в Архангельской области - Sputnik Кыргызстан
Жазылуу
Кыргызстандык келин консулдуктун кызматкерлери менен жолукканда жаңы төрөгөн кызыл эт ымыркайды унитазга агызып жиберейин деген ниети болбогонун билдирди.

БИШКЕК, 25-окт. — Sputnik. Кыргызстандык кыз Екатеринбург шаарынын соода жайынын дааратканасында төрөгөн, бирок анын баланы унитазга агызып жиберүүгө аракет кылганы туурасында төрөтканада маалыматтар жок. Бул туурасында Екатеринбург Саламаттык сактоо боюнча шаардык бөлүмүнөн Sputnik кабарчысына айтып беришти. 

Апасын сагынып, сөйкөсүн сатып Россияга камынган кыздын таенеси окуя тууралуу айтты - Sputnik Кыргызстан
Апасын сагынып, сөйкөсүн сатып Россияга камынган кыздын таенеси окуя тууралуу айтты
Буга чейин россиялык бир катар басылмалар Кыргызстандын 22 жаштагы жараны айына жетпей төрөп, ал эми наристесин Екатеринбург шаарынын соода жайынын дааратканасынын унитазына агызып жиберүүгө аракет кылды деп жазган.

Саламаттык сактоо боюнча шаардык бөлүмүнүн маалымат кызматынан Тез жардамга саат кечки төрттөрдө чукул маалымат келип түшкөн. Анда кароолчу ымыркайды унитаздан агызып жиберүүгө аракет болгонун билдирген. Бул маалыматты ооруканадан тастыкташкан эмес.

"Бала 2 килограмм 630 грамм салмак менен төрөлгөн. Эне-бала учурда №14 шаардык клиникалык ооруканада жатат. Төрөткананын бөлүм жетекчисинин айтымында, көз жарган кыз ымыркайдан баш тартуу ниетинде. Аны бөбөктү таштабоого көндүрүү үчүн Кыргызстандын Екатеринбургдагы консулдугунун кызматкерлери келип кетишти", — деп билдиришти аталган жайдан.

Кыргызстандын Екатеринбургдагы консулу Нургүл Токтосунова жаңы төрөгөн эне менен төрөтканадан жолуккандыгын айтты.

"Кыз ымыркайды унитаздан агызып жиберүүгө аракет кылбагандыгын билдирди. Андай маалыматтар чындыкка коошпой жатат. Кыргыз диаспорасы менен сүйлөштүк. Төрөтканадан чыккандан кийин акча чогултуп, балага кийим-кече сатып берип, тиешелүү документтерин толтуруп, аны Кыргызстанга жөнөтөбүз",— деди консул.

Токтосунова жүргүзүлүп жаткан тергөө иштеринен соң кыргызстандык кыздын аракеттерине юридикалык баа бериле тургандыгын айтты.

Жаңылыктар түрмөгү
0