Машина кагып кеткен киши каза болду. Айдоочу качып кетти
Машина кагып кеткен киши каза болду. Айдоочу качып кетти
Sputnik Кыргызстан
Машина коюп кеткен жүргүнчү жолдун экинчи тилкесине түшүп, аны каршы тарапта келе жаткан экинчи автоунаа да тебелеп кеткен. 13.10.2016, Sputnik Кыргызстан
Машина коюп кеткен жүргүнчү жолдун экинчи тилкесине түшүп, аны каршы тарапта келе жаткан экинчи автоунаа да тебелеп кеткен.
БИШКЕК, 13-окт. — Sputnik. Элебесов көчөсү менен Жибек Жолу көчөсүн көздөй кетип бараткан автоунаа жүргүнчүнү коюп, окуя болгон жерден качып кеткенин күбө Sputnik Кыргызстан агенттигинин WhatsApp номери аркылуу билдирди.
"Машина коюп кеткен жүргүнчү жолдун экинчи тилкесине түшүп, аны каршы тарапта келе жаткан экинчи автоунаа да тебелеп кетти. Анын айдоочусу токтоду", — дейт күбө.
Окуя болгон жерде Кайгуул милициясы менен Тез жардам кызматы иштеп жатканын ал кошумчалады. Тез жардам кызматынан кырсык болгон жерге Тез жардамдын бригадасы чыгып кеткенин тастыктап, кырсык болгон жерде иштеп жатканын билдирди.
Алдын ала маалымат боюнча жүргүнчүнү Volkswagen Golf 2 же Opel Astra үлгүсүндөгү автоунаа коюп кетиши мүмкүндүгүн окуянын күбөсү маалымдады.
