БИШКЕК, 20-сен. — Sputnik. Жапалак айыл аймагында жол кырсыгы катталып төрт жаран жабыркагандыгы тууралуу ӨКМден кабарлашты.
Билдирмеге караганда Howo үлгүсүндөгү оор жүк ташуучу унаа 19-сентябрь күнү Ош — Ноокат унаа жолундагы сел тосуучу каналга оодарылып кеткен.
"Кырсыктын кесепетинен төрт жаран жабыркап, куткаруучулар тарабынан алгачкы жардам көрсөтүлдү", — деп айтылат маалыматта.
Жабыркагандар медицина кызматкерлерине өткөрүп берилген.
