БИШКЕК, 13-сен. — Sputnik. Казакстандан Кыргызстанга жасалма паспорт менен өтүүгө аракет кылган өзбек жараны кармалганын Чек ара кызматы билдирди.
Маалыматка ылайык, өзбекстандык 12-сентябрда кыргыз-казак чек арасындагы "Чалдыбар" көзөмөл өткөрүү пунктунан кармалган.
Ошондой эле 11-сентябрда чек арачылар Кыргызстандан Казакстанга "Акжол" көзөмөл өткөрүү пунктунан башка бирөөгө таандык паспорт менен өтүүгө аракет кылган 25 жаштагы жаранды кармаган.
Тийиштүү документтер толтурулган соң кармалган жарандар УКМКнын аймактык өкүлдөрүнө өткөрүп берилген.
