102: Бишкектин борборундагы атышуу — "Альфанын" атайын операциясы

© Фото / Актан ТемиркановСолдаты "Альфа" на спецоперации в Бишкеке
Солдаты Альфа на спецоперации в Бишкеке - Sputnik Кыргызстан
Жазылуу
Буга чейин окуяга күбө болгондор Биринчи Май райондук сот имаратынын жанында атышуу болуп, бир адамдын каза болушу мүмкүн экенин айтышкан.

БИШКЕК, 24-авг. — Sputnik. Бишкектин борборунда Улуттук коопсуздук боюнча мамлекеттик комитеттин (УКМК) атайын дайындоодогу "Альфа" бөлүмү атайын операция өткөрдү. Бул тууралуу Sputnik Кыргызстан агенттигине милициянын 102 кызматы билдирди.

Буга чейин социалдык тармактарда Биринчи Май райондук соттун жанында атышуу болуп, андан бир киши каза болушу мүмкүн экендиги тууралуу маалымат тарап кеткен.

"Ал жакта «Альфа» иштеп жатат. Атайын операция жүрдү. Башка эч кандай маалымат жок", — деп айтылат билдирүүдө.

Сотрудники правоохранительных органов во время спецоперации. Архивное фото - Sputnik Кыргызстан
УКМК түнкү операция учурунда террордук топтун лидерин колго түшүрдү
Жеринде жүргөн Sputnik Кыргызстан агенттигинин кабарчысы "Альфанын" жоокерлери колу байланган бир адамды унаага отургузуп кетишкенин айтты. Окуя Тыныстанов көчөсүндө, Түгөлбай ата көчөсүнө жакын аймакта болгон. 

УКМК, ИИМ жана Бишкек ШИИБдин маалымат кызматтары учурда жеткиликтүү болбой жатат. 

Ал эми Тез жардам кызматынын адистери окуяга кандайдыр бир түшүндүрмө берүүдөн баш тартышты. Жергиликтүү тургундардын айтымында, окуя болгон жерге Тез жардам келген эмес.

Кабарчынын акыркы маалыматы боюнча кармалган жаран УКМКга алып келинди.

Жаңылыктар түрмөгү
0