БИШКЕК, 17-авг. — Sputnik. Баткен шаарында катуу шамал жүрүп, жети турак жайдын жана Агата орто мектебинин шиферлерин учуруп кеткен. Бул тууралуу ӨКМ билидрди.
Маалыматка ылайык, катуу шамал үстүбүздөгү жылдын 15-августунда болгон.
"Катуу шамал жети турак үйдүн 111 шиферин, Агата мектебинин 12 шиферин жана ФАПтын бир нече шиферлерин учуруп кеткен. Жалпы чыгым 82 500 сомду түзөт", — деп айтылат маалыматта.
Келтирилген чыгымдарды калыбына келтирүү иштери жүрүүдө.
