БИШКЕК, 12-авг. — Sputnik. Ош — Токтогул — Бишкек каттамында аскерлердин унаасы жол кырсыгына кабылгандыгы тууралуу Куралдуу күчтөрдүн Башкы штабынан кабарлашты.
Кырсык 11-август күнү болгон. Автотехника колоннасы Аскер унаа инспекциясынын коштоосунда аталган каттам боюнча келе жаткан.
Көк-Бел ашуусунан түшө бериште автоунаалардын биринин тормозу жарактан чыгып калган. Натыйжада машиненин айдоочусу чоң жолдон чыгып, четке бурууга мажбур болгон.
"Машинада 17 адам болгон болсо, анын ичинде жети аскер кызматкерине алгачкы медициналык жардам көрсөтүлгөн, алардын үчөөсү азыр амбулатордук дарыланууга жөнөтүлдү", — деп айтылат маалыматта.
Учурда аскерлердин абалы туруктуу.
Бишкек шаарынын эң кандуу көчөлөрүн Sputnik материалынан окуңуз>>
