Бишкекте унаа жана анын тетиктерин уурдаган топ кармалды

Жазылуу
Кылмышка шектүүлөр буга чейин сот жоопкерчилигине тартылышкан.

БИШКЕК, 3-май — Sputnik. Бишкекте унаа жана анын тетиктерин уурдаган топ кармалды. Бул тууралуу Бишкек шаардык ички иштер башкармалыгы билдирет. 

Маалыматка ылайык, 30-апрель күнү саат 23:49дар чамасында "Ак-Ордо" жаңы конушунан эки бала Mercedes-Benz үлгүсүндөгү кичи автобус менен келип, көчөдө токтоп турган унаанын аккумуляторун чыгарууга аракет кылган. Жергиликтүү тургундардын чалуусунан улам Кайгуул милициясы 20 жашар Токмок шаарынын тургунун колго түшүргөн. 

Айтек шише кармаган адам. Архив - Sputnik Кыргызстан
Бөтөлкөлөшүн башка чаап өлтүргөн жарандар кармалды
Mercedes-Benz унаасын тинтүү учурунда бир кара чүмбөт жана төрт унаа аккумулятору табылган. 

Иликтөө иштеринин натыйжасында аталган микроавтобус уурдалган болуп чыккан. Мындан сырткары, ал Volkswagen Passat унаасын жана дагы жети аккумулятор уурдоого катыштыгы бар экенин мойнуна алган. 

Ыкчам иликтөө иштеринин натыйжасында кылмышка катыштыгы бар делинген 

дагы төрт кылмышкер кармалган. Алардын эң улуусу 24 жашта, кичүүсү 17 жашта экени аныкталды. Баары тең буга чейин сот жообуна тартылышкан.

Учурда кармалгандар 20га чукул уурулук боюнча көрсөтмө беришүүдө. 

Жаңылыктар түрмөгү
0