БИШКЕК, 15-апр. — Sputnik. Токтогул шаарында митинг өтүүдө. Бул тууралуу Sputnik Кыргызстан агентигине Токтогул районунун акими Майорбек Сатымкулов билдири.
Ал нааразычылык акциясында 50-70 адам чогулганын кошумчалады.
"Токтогул районунун тургундары нааразычылык акциясына чыгып, электр энергиясына болгон бааны арзандатуу жана алтын кенин иштетпөө талаптарын коюда. Абал тынч", — дейт аким.
Ал эми Токтогул районун тургуну Миргазы Өзүбеков учурда митингге 1000 чукул адам чогулганын айтты.
"Биз электр энергиясына болгон баа жергиликтүү тургундар үчүн ГЭСтен чыккан нарк менен берүүнү жана Чолпон-Ата айыл өкмтөтүнүн Узакмат сайындагы алтын кенин иштетпөө талаптары менен митингге чыктык. Абал туруктуу эле", — дейт ал.
Эскерте кетсек, Токтогул районунун тургундары 18-мартта электр энергиясына болгон баа алар үчүн ГЭСтен чыккан нарк менен берүүнү талап кылып митингге чыгышкан. Өз талаптарынын аткарылышы боюнча бийликке 15-апрелге чейин мөөнөт берен эле.
