БИШКЕК, 29-мар. — Sputnik. Бириккен Улуттар Уюмунун Бишкектеги кеңсесине бомба коюлган деген билдирүү бир саат мурун келип түшкөн. Бул тууралуу шаардык милициядан билдиришти.
Маалыматка ылайык, шектүү баштык тууралуу билдирүүнү көчөдөн өтүп бараткан жаран айткан. Окуя болгон жерге Биринчи Май РИИБнын кызматкерлери келишкен.
"Учурда имараттын айланасы курчоого алынды. Башкы штабдын саперлорунун келишин күтүп жатышат", — деп милициядан маалымдашты.
Чүй проспектисиндеги кыймыл чыгышты көздөй бир тараптуу жабылды.
